Informe da Dirección:

Chegamos á metade de curso e queremos informar a toda a comunidade educativa que os casos positivos de covid19 recollidos no noso centro dede comezos de curso foron casos nos que os contaxios se produciron fóra del, e os afectados sempre regresaron ao centro unha vez recuperados da enfermidade. Seguimos sen ter coñecemento de ningún caso de contaxio dentro do propio IES.

Levamos desde o día 1 de febreiro sen ter coñecemento de ningún alumno/a positivo, polo que semella que a situación vaise normalizando pouco a pouco e as clases estanse impartindo con normalidade.

As medidas hixiénicas e organizativas adoptadas por mor da pandemia que estamos a sufrir semellan polo momento ser eficaces:

• Ventilación continua durante toda a mañá
• Uso da máscara en todo momento
• Separación do alumnado en tres zonas diferentes
• Lavado de mans obrigatorio dúas veces pola mañá
• Desinfección diaria e dispensadores de hidroxel en tódalas aulas
• Distancia social e liñas de dirección dentro do edificio
• Prohibición de abandonar o recinto nos recreos e limitación das visitas ao IES

Seguimos en tódolos casos as instrucción que nos van chegando de sanidade.

Pregamos ás familias e alumnado que sigan mantendo as medidas hixiénicas recomendadas polas autoridades sanitarias para continuar nesta liña.

Radar  COVID é a aplicación deseñada e dirixida pola Secretaría de Estado de Dixitalización e Intelixencia Artificial do Goberno de España para axudar a evitar a propagación do coronavirus (COVID-19).

Radar  COVID avísache de maneira anónima do posible contacto que puideches ter nos últimos 14 días cunha persoa que resultase infectada utilizando a tecnoloxía  Bluetooth de baixo consumo.

Radar  COVID ademais permite:
- Comunicar de forma anónima o teu diagnóstico positivo.
- Comunicar a exposición de forma anónima ás persoas coas que estiveches en contacto

Radar  COVID garante a seguridade e privacidade e é 100% anónimo. Por iso non solicitamos nin o teu nome, nin o teu teléfono, nin o teu correo electrónico.

ENLACE Á APLICACIÓN

Estes días tamén podes consultar o blog da nosa Biblioteca. Nel os profesores/as colaboradores van colocando multitude de recursos e enlaces a bibliotecas virtuais para poder ler sen ter que pagar un euro.

Iso sí, tede coidado porque a lectura perxudica gravemente a ignorancia

Desde a Universidade Laboral non queremos causar alarma entre a comunidade educativa, pero tivemos que tomar algunhas medidas preventivas para evitar no posible que se poidan producir contaxios de enfermidades infecciosas:

• Procedemos a prestar especial atención no que se refire ao material hixiénico. Diariamente revisamos que non falte xabón en tódolos aseos do centro e nos lavadeiros de mans. Colocamps dispensadores de xel en tódalas aulas do IES.
• Tivemos que suspender ata novo aviso todo tipo de actividades extraescolares salvo aquelas nas que se poida manter en todo momento a distancia de seguridade.
• Colocáronse carteis en diferentes zonas do IES con información para recoñecer os síntomas da enfermidade e cos teléfonos aos que chamar se se sospeita ter a enfermidade. Tamén se colocaron carteis relativos á hixiene de mans.
• Procedemos a crear un protocolo específico con normas de obrigado cumprimento para o alumnado dentro da xornada escolar.
• Procedemos a crear un protocolo específico con normas para o profesorado no caso se advertira que algún alumno/a ou eles mesmos tiveran os síntomas da enfermidade.

CARTEL INFORMATIVO

Protocolo_para_Alumnado

Normas_para_Pais_e_Nais

As MEDIDAS A TOMAR EN CASO DE INFECCIÓN RESPIRATORIA seguen a ser as mesmas que que se recomendan habitualmente:

• LAVAR AS MANS FRECUENTEMENTE con auga e xabón (non necesariamente solucións alcohólicas).
• Ó TOSER OU ESBIRRAR TAPAR A BOCA E O NARIZ cun pano desbotable ou coa flexura do cóbado (non coa man). Ademais, evitar frotar nariz, boca e ollos.
• NON MANTER CONTACTO FÍSICO ESTREITO INNECESARIO (non dar a man nin bicos).
• No caso de febre e/ou malestar xeral importante non acudir ao Instituto, senon descansar no domicilio e inxerir abundante auga. Poñerse en contacto co médico/a e esperar instruccións del.

Para acceder ás aulas do IES por calquera das tres entradas habilitadas é obrigatorio lavar as mans con xabón. O frotado debe durar un mínimo de 20 segundos. Isto é o máis importante.