O pasado sábado 24 de febreiro celebráronse en Expourense os campionatos galegos de atletismo en pista cuberta. Alí estaba a nosa alumna de 4º de ESO Aldara Sandín, para competir en triple salto.

Foi un concurso emocionante no que estivo gran parte da proba en terceira posición por escasos centímetros de marxe; pero no seu último salto, onde o tiña que dar todo, conseguíu unha marca de 9,64 centímetros, que lle permitiu finalmente conseguir a medalla de prata.

Noraboa campiona!!!

Como tantos outros, Aldara comezou na práctica do atletismo da man do seu profesor de educación física, Germán González. Germán xubilouse da docencia no noso centro, pero non do atletismo, xa que na actualidade segue sendo presidente e adestrador do clube Benchoshey de Pereiro de Aguiar, onde continúa a sacar atletas de alto nivel.

O sábado foi unha xornada dobremente emocionante, porque a organización das probas, permitiulle a Germán ser a persoa que lle puxera a medalla á nosa campiona.

O Departamento de Filosofía en colaboración coa Asociación mediambiental SUSTINEA, comezaron a actividade "Amadriña unha árbore". O alumnado de 1º de bacharelato de artes está a levar adiante esta actividade na que se elixiu como árbore a chamada “falso plátano” situada na esquina da parada de buses.

A actividade é pioneira xa que implica tamén a establecementos do contorno; neste caso, a cafetería El Duende. A través das conversas co alumnado, o dono da cafetería xa se comprometeu a velar pola sensibilización do contorno (non tirar cabichas, ou calquera lixo, ter unha planta como sinal da actividade no seu local, cinceiros, papeleira, etc.)

É evidente que coidamos as árbores que están dentro do noso recinto, pero podemos ampliar esta responsabilidade máis alá para sensibilizar a toda a comunidade educativa a realizar compromisos que inflúan na vida da cidade.

El Duende recibrá un selo distintivo de espazo que traballa cos centros para educar na responsabilidade medioambiental, e será difundido a través das redes sociais como centro colaborador coa Laboral neste sentido.

Orde do 1 de febreiro de 2018 pola que se convocan probas para a obtención de determinados carnés profesionais e habilitacións profesionais no ano 2018. Máis información.

As solicitudes de admisión deberán presentarse preferiblemente por vía electrónica, a través do formulario normalizado dispoñible na sede electrónica da Xunta de Galicia: https://sede.xunta.es.

Alternativamente: tamén se poderán presentar en soporte papel, empregando o formulario normalizado na sede electrónica da Xunta de Galiza. En caso de envío por correo: ha de ser certificado, co selo de correos na primeira folla do formulario.

O IES Universidade Laboral conta coa ferramenta TokApp School, coa que se pode enviar mensaxes a pais, nais ou alumnado do centro, mediante o sistema que elixa: WhatsApp, SMS ou correo electrónico. Páxina de rexistro
Con TokApp School dispoñemos da posibilidade de enviar información de reunións, eventos, incidencias, faltas de asistencia, etc.
A información enviada chega directamente ao teléfono dos destinatarios ou ao seu correo electrónico. Páxina da aplicación
Para poder disfrutar de tódalas vantaxes que pode proporcionar TokApp School descarga no teu teléfono móbil a App.

Páxina_de_descarga

Tamén podes escanear o código QR para descargar a aplicación no teu smartphone

A Universidade Laboral xa conta coa ferramenta abalarMóbil. Trátase dunha aplicación que permite ás familias consultar a información dos seus fillos a través do teléfono móbil dende calquera lugar, de forma cómoda e rápida.

• Acceder aos datos persoais dos seus fillos/as
• Consultar as cualificacións
• Consultar e recibir información das faltas de asistencia dos seus fillos/as de maneira instantánea
• Consultar os avisos ou notificacións por parte do profesorado ou do centro educativo.