Veñen de publicarse axudas económicas para aqueles usuarios de comedor escolar de gratuidade total ou que abonaban só 1 euro. Información no seguinte enlace
No seguinte enlace pódese descargar o último comunicado da Dirección do centro á Comunidade Educativa
Nestas datas hai que recordar que ademais do titánico traballo da sanidade pública, hai outras institucións que están a colaborar e precisan a nosa axuda. Xa traballamos con eles no pasado e sabemos que todo donativo que fagamos vai ser aproveitado ao 100% polos máis necesitados. Enlace
Estes días tamén podes consultar o blog da nosa Biblioteca. Nel os profesores/as colaboradores van colocando multitude de recursos e enlaces a bibliotecas virtuais para poder ler sen ter que pagar un euro.
Iso sí, tede coidado porque a lectura perxudica gravemente a ignorancia
Pasada esta primeira semana de corentena constatamos que a nosa Aula Virtual comeza a funcionar con normalidade. Xa hai abertos máis de 180 cursos en diferentes materias e niveis (e o número segue a aumentar), polo que xa temos alí centralizada toda a actividade formativa. Ademais o sistema de mensaxería que incorpora tamén é bastante áxil, polo que xa centralizamos tamén toda a comunicación Profesorado-Alumnado mediante a plataforma. Recordade tamén que para acceder a ela debedes facelo da seguinte maneira:
Nome de usuario: o voso DNI coa letra en minúscula, escrito sen espazos de separación
Contrasinal: o voso DNI coa letra en MAIÚSCULA, escrito sen espazos de separación
A primeira vez que entredes vaivos pedir que cambiedes o contrasinal
Tede en conta que a primeira vez que entredes quizais non teñades asignado aínda ningún curso. Só tedes que esperar a que vos vaian incluíndo os diferentes profesores/as. É convinte que vaiades entrando cada día para ver que cursos tedes habilitados.
Aínda non atopamos unha App adecuada para funcionar en tódolos dispositivos mób, polo que pedimos paciencia
Algún profesor/a comeza a recoller traballos para a súa correción. Aquí tedes un vídeo explicativo de como facer as entregas dos mesmos:
|
|
|
|
|
|
|
|
|
|
|
|
|
|
Nota: estes son exercicios xenéricos para alumnado de ESO e 1º de Bacharelato. Na aula virtual (cando volva a estar operativa) estanse abrindo cursos das diferentes materias onde o profesorado vai subindo materiais e trefas, abrir foros e chats. Estamos en proceso de actualización por iso hai que estar atentos cada día aos cambios que se vaian producindo.
Enlace con instrucións para aceder aos exercicios interativos do libro de inglés, segundo sexa o nivel (dende 1º ESO a 2º Bacharelato)
O enlace de Relixión é ao IES Ferro Couselo porque o noso profesor está destinado alí e ten nesa web todo o material
A Profesora de PT Eva Agromayor habilitou un correo de aula para o seu alumnado e así poder estar comunicados para para resolución de dúbidas e entrega de exercicios: Este enderezo de correo está a ser protexido dos robots de correo lixo. Precisa activar o JavaScript para velo.
De acordo coas instrucións do 13 de marzo de 2020, provisionais dirixidas ás direccións dos centros educativos de ensino non universitario sobre a concreción das medidas a adoptar en relación coa pandemia covid-19 para os vindeiros 14 días naturais contados dende o 16 de marzo de 2020,
AMPLÍASE provisionalmente o prazo de presentación telemática e presencial de solicitudes de admisión de Secundaria e Bacharelato que finalizará 1 semana despois do reinicio das clases.
RECOMÉNDASE a utilización preferente da modalidade telemática ou esperar a esa última semana para a presentación das solicitudes.
Máis información no portal da Consellería de Educación.
Estimadas familias,
Como ben saben polos medios de comunicación, a Xunta de Galicia tomou a decisión de pechar a partir do luns os centros educativos durante 14 días, como medida preventiva para frear o avance do coronavirus. Polo tanto as medidas adoptadas concrétanse nas seguintes:
- Suspéndese a actividade lectiva do día 16 de marzo ao 29 de marzo.
- Suspéndense as prácticas de Formación Profesional (módulo FCT).
- Suspéndense todo tipo de saídas, excursións e actividades extraescolares en xeral programadas.
- Suspéndense as segundas avaliacións de ESO, Bacharelato (excepto a xa realizada), Formación Profesional, polo que non se entregarán cualificacións, ata recibir máis instruccións da Consellería ao respecto.
- O alumnado deberá proseguir o seu proceso formativo a través da Aula Virtual, páxina Web, correos electrónicos ou outras plataformas e canles abertas co profesorado do centro. Iremos informando sobre esta cuestión a través desta páxina web
- Na páxina web iremos actualizando e subindo todas as novas relativas á evolución da situación provocada por esta pandemia. Evitar facer caso á rumoroloxía ou falsas novas e agardar pola información das canles oficiais.
- Recoméndase seguir as medidas preventivas que as autoridades sanitarias están a difundir, apelando á responsabilidade individual de todas e todos co fin de frear a expansión do virus.
NON ESTAMOS DE VACACIÓNS, ESTAMOS DE CORENTENA
Ourense, 13 de marzo de 2020
A Dirección
Desde a Universidade Laboral non queremos causar alarma entre a comunidade educativa, pero consideramos que non está de máis ir tomando xa algunhas medidas preventivas para evitar no posible que se poidan producir contaxios de enfermidades infecciosas:
- Procedemos a prestar especial atención no que se refire ao material hixiénico. Diariamente revisamos que non falte xabón en tódolos aseos do centro. Iranse colocando dispensadores de xel desinfectante nalgunhas zonas comúns a medida que remita o desabastecemento actual.
- Quedan suspendidas ata novo aviso todo tipo de actividades extraescolares fóra do Centro. Tamén quedan suspendidas todo tipo de actividades extraescolares dentro do centro que conleve a reunión de alumnado de máis dunha aula ou curso.
- Colocáronse carteis en diferentes zonas do IES con información para recoñecer os síntomas da enfermidade e cos teléfonos aos que chamar se se sospeita ter a enfermidade.
- Procedemos a crear un protocolo específico con normas de obrigado cumprimento para o alumnado dentro da xornada escolar. Hai carteis informativos nas aulas e os titores/as están encargados de informar adecuadamente ao alumnado.
- Procedemos a crear un protocolo específico con normas para o profesorado no caso se advertira que algún alumno/a ou eles mesmos tiveran os síntomas da enfermidade.
- Foi remitida información adicional a tódolos pais e nais do alumnado
Aquí tedes unha información do Departamento de Orientación sobre diferentes aspectos do sistema educativo e o acceso á Universidade ou ciclos
- Información sinxela e útil sobre o sistema educativo: Lomce paso a paso
- Modalidades de bacharelato preferentes e materias vinculadas para o acceso a ciclos de grao superior
- Información sobre as ABAU : calendario, formato, corrección, reclamación… Admisión e Matrícula no SUG
- Parámetros de ponderación de Materias troncais de modalidade e materias de opción de Bacharelato para o acceso as ensinanzas universitarias das do sistema universitario de Galicia
- Preguntas frecuentes ABAU e Acceso a Universidade
- Notas de corte Universidades Españolas
- Ministerio de educación y formación profesional. Normativa, Becas, distrito único…
O día 2 de marzo o Departamento de Historia realizou unha saída co alumnado de 1º de ESO. Primeiro visitaron a exposición do Castro de San Tomé na sala de A Banca na Praza Maior. Alí interactuaron cos nenos para que soubesen como era un castro e, en concreto, as características do castro de San Tomé. Logo visitaron na Deputación de Ourense a sala que teñen da colección de trens, que é unha das máis grandes do mundo. Tamén fixeron unha ruta artística pola catedral de Ourense e logo ás Burgas. Todo resultou moi interesante para eles pois aprenderon moitas cousas.
Logo, o día 6 foi o alumnado de Bacharelato que ten a materia optativa de Historia e Xeografía de Galicia. Visitaron a sala exposición do castro de San Tomé e percorreron as diferentes salas que teñen dos restos acadados no castro. Galería_Fotográfica
Ante as novas que imos recibindo nos medios de comunicación sobre enfermidades contaxiosas, compre que o centro educativo traslade as indicacións e recomendacións en base ós datos e protocolos facilitados polo Ministerio de Sanidade de España (ata o 27 de febreiro de 2020, polo que posteriormente poderían producirse variacións que deben ser consultadas con persoal sanitario).
As MEDIDAS A TOMAR EN CASO DE INFECCIÓN RESPIRATORIA seguen a ser as mesmas que que se recomendan habitualmente:
- LAVAR AS MANS FRECUENTEMENTE con auga e xabón (non necesariamente solucións alcohólicas).
- Ó TOSER OU ESBIRRAR TAPAR A BOCA E O NARIZ cun pano desbotable ou coa flexura do cóbado (non coa man). Ademais, evitar frotar nariz, boca e ollos.
- NON MANTER CONTACTO FÍSICO ESTREITO INNECESARIO (non dar a man nin bicos).
- No caso de febre e/ou malestar xeral importante non acudir ao Instituto, senon descansar no domicilio e inxerir abundante auga.
- As mascarillas cirúrxicas non son útiles para evitar contaxiarse polo que non se recomenda o seu uso en cidadáns sans. Tan so son útiles para que as persoas infectadas non contaxien a outras, polo que de ser necesario o seu uso será indicado por persoal sanitario e non deben mercarse previamente, pois xérase encarecemento e incluso desabastecemento.
- Por tratarse de cadros víricos, os antibióticos non teñen ningunha utilidade. Non obstante, un médico pode diagnosticar unha sobreinfección bacteriana e valorar a necesidade ou non de tratamento antibiótico segundo o caso concreto e a súa gravidade.
No noso IES acabamos de repoñer os dispensadores de xabón hipoalerxénico en tódolos aseos, polo que recomendamos que lavedes as mans con xabón con frecuencia. O frotado debe durar un mínimo de 20 segundos. Isto é o máis importante. Na zona da entrada non hai aseos cerca, polo que se instalou un dispensador de solución desinfectante con instruccións para o seu uso.
Do Sábado 29 de febreiro ata o sábado 7 de marzo, os alumnos/as de 4º de ESO e 1º de Bacharelato que se apuntaron a esta actividade desfrutarán da 1ª Semana Branca consistente nunha viaxe a Andorra.
Alí entre outras actividades realizarán un curso de esquí, polo que esperamos que regresen sendo xa esquiadores amateurs.
Esperamos continuar con esta actividade nos vindeiros anos.
A medida que nos envíen fotos, elaboraremos un album fotográfico que se poderá consultar nesta mesma web.
Durante o entroido propuxemos un concurso de máscaras. Todas decoraron os corredores e a entrada do IES. Algunhas delas pola súa calidade foron as premiadas. Estarán expostas no taboleiro da entrada durante un tempo para que podidades apreciar o gran traballo que realizaron con elas.
O mércores 26 de febreiro os nosos alumnos/as do Ciclo Medio de Carrozaría da FP DUAL recibiron a visita no seu centro de traballo (UNVI) de varias personalidades da Consellería de Educación, para coñecer in situ o desenvolvemento da súa actividade formativa. Tratábase da Conselleira de Educación Carmen Pomar e parte do seu equipo, ademais da delegada da Xunta en Ourense, Marisol Díaz Mouteira.
Puideron coñecer a fábrica da man do seu xerente e charlar con varios dos nosos alumnos. Destacaron o importante traballo que están a realizar tanto a empresa UNVI como o IES Universidade Laboral nesta modalidade formativa na que o noso centro foi pioneiro alá polo ano 2013.
Enlace á noticia do Correo Galego
¿Queres estudar na Universidade Laboral a ESO ou o bacharelato?. Preme no botón "Ler Máis" para informarte dos prazos e a documentación que precisas para matricularte.
Prazo: do 1 ao 20 de marzo
Normativa reguladora:
Na laboral preocúpanos moito a saúde e seguridade de toda a comunidade educativa. O curso pasado varios profesores/as estivéronse a formar durante todo o ano na temática das emerxencias sanitarias no ámbito escolar. O froito do seu traballo axudounos a poñer en marcha o noso novo botiquín, perfectamente equipado ante calquera pequena incidencia sanitaria que poida xurdir durante a xornada escolar.
Dispoñemos de pequenos botiquíns en varias zonas, cadeira de rodas, camilla, etc.. Tamén elaboraron un protocolo de actuación para saber que facer nestes casos.
Este curso escolar continuou a formarse outro grupo de profesores/as no ámbito do soporte vital básico. Varios deles serán habilitados para poder utilizar o desfibrilador semiautomático do IES nun caso de emerxencia grave.
Pola súa parte o Departamento de Educación Física, e en concreto a nosa profesora Verónica Vázquez traballou co seu alumnado estas mesmas temáticas. O alumnado de ESO puido ter un primeiro contacto cos primeiros auxilios e practicar manobras de reanimación no caso de atragantamentos ou paros cardíacos.
Nesta semana chegaron as novas taquillas para que todo o alumnado de Formación Profesional que traballa nos talleres teña acceso a elas.
Instaláronse 32 para Mecatrónica, 16 que van no vestiario feminino e outras 32 para Automoción. A xestión das chaves vana levar nos departamentos correspondentes salvo as do vestiario feminino que se xestionará desde secretaría.
Este vestiario está xa rematado e a semana que ven convocaremos a tódalas alumnas de FP para que poidan facer uso del.
O venres 21 de febreiro celebraremos o entroido na Laboral.
- Para todos os cursos haberá actividade lectiva normal nas dúas primeiras horas
- A partir do primeiro recreo os grupos que participen activamente no entroido irán ao salón de actos para desfrutar das actuacións.
- A partir do segundo recreo a celebración trasládase ao hall do instituto no que haberá a tradicional festa de entroido.
- Ás 14.00 acábase a celebración. O alumnado volve a aula recolle o seu material e agarda o timbre de saída.
Máis artigos
- Visita á exposición de Leonardo
- Almorzo Solidario
- A Universidade Laboral seleccionada para a iniciativa Arco - Liña 2
- Convocadas probas para carnés e habilitacións profesionais
- Actividades da aula da natureza en febreiro
- Que están a facer na aula da natureza?
- Colaboración coa Cruz Vermella
- Suspendidas as actividades do venres 20 de decembro
- O alumnado de papirofléxia decora o nadal
- Construímos casetas para animais
Temos 17 anónimos e ningún membro en liña
 |
|---|
|
|
 |
 |